23.4.14

Хэкум къэзыгъэзэжьыгъэ нэбг 5 полицием ыубытхи хьапсым чIидзагъэх


Мыекъуапэ. Мэлылъфэгъум и 22, 2014.

Непэ щэджагъо ужьым Адыгэ республикэм икъэлашъхьэ Мыекъуапэ хэкум къэзыгъэзэжьыгъэ нэбг 5 полицием ыубытхи хьапсым чIыдзагъэх. Къэзыгъэзэжьыгъэхэм яунэхэри полицием къиплъэхьыгъэх. 

Аубытгъэхэр апэу Мыекъуапэ щычIагъэтIысхьагъэх ытIанэ, пчъыхьэм Мыекъопэ район ит къуаджэу Тулскэм ащэхи хьапсым чIагъэтIысхьагъэх.

Адыгэ кIалэу аубытгъэхэр, Шъхьэлахъо Аднан, Кобл Муамэр,  ШъэошIу Зия, Натхъо Радван, Хьаткъо Мэмэт. Мыхэм ягъусэгорэм къызэриIуагъэмкIэ Мыекъуапэ район ит къуаджэу ХъымышкIэй зыфаIорэм илъэс 15 ипэкIэ чIыгу хапIэ заулэ къыщащэфыгъагъэхэр мытэрэзыгъэ фэдэу полицием ылъыти ыубытгъэх.

КъэIогъэн фае. Мы Адыгэ кIалэу аубытгъэхэр илъэс  22 ипэкIэ хэкум къэкIожьыгъэх. Хэкум къыщащагъ, кIалэхэр къафэхъугъ, унагъохэр яIэ хъугъэх, Iофи ашIэ ыкIи дахэу хэкужъым щэпсэух.