Тыркуе, Iырба. Мэлылъфэгъум и 20, 2014.
Тыркуем щылажьэрэ хасэу Адыгэ Федерацие зыфиIорэм итхьэматэ Нусрат Бащ Тукъат шъолъырым ит къалэу Iырбэ щыIагъ. Ащ хасэу Кавказ Кулътурэ зыфиIорэм хэтхэм зэIукIэ адриIагъ.
Нусрэт Бащ непэ Адыгэхэм яIоф зытетым къытегущыIагъ ыкIи ащ узэрэдэлэжьэщт шIыкIэхэм къатегущыIагъ. ЗэIукIэм цIыфэу къэкIогъэхэми я гупщысэхэр къаIуагъ. Мыщ къыщыгущыIагъэхэм ащыщ Адыгабзэ Хасэ зыфиIорэм итхьэматэу Донмез Елмаз. Джащ фэдэу къетхы, интернет сайтэу Кавказ Академи зыффиIорэм. (kafkasakademi.com).
КъэIогъэн фае, Адыгэ Федерацие хасэр илъэситIу ипэкIэ зэхащагъ. ИлъэситIум нахьыбэу хасэр зыдэлэжьагъэр Сирие Адыгэхэм яIоф. Федерацием иегъэжьэнкIэ Сирием Адыгэ мин заулэ заом къыхащыжьыхи Тыркуем къащагъэх. Зы куп Адыгэ унагъохэм ахагъэтIысхьагъ зы куп Тыркуе къэралыгъом иIэпыIэгъукIэ заом къыхэкIыжьыгъэ цIыфхэм апае агъэуцугъэ кампхэм Адыгэхэм апае хэхыгъэу чIыпIэ къаратыгъ. Ащ нэмыкIэу илъэс ныкъо ипэкIэ Сирие Адыгэ нэбгрэ I70 фэдизым яцIэкIэ хэкум ахэр ащэжьынхэу Адыгэ Федерацием Урысием тхьапэ тхыгъэкIэ зыфигъэзагъ ау непэ нэс Урысием зи джэуап къаритыжьыгъэп.
